فالكلام معاني إلى تضربتي بها
كتر من القرطاصة
هي تخرج من البدن
تخلي وشمها باين للعين
تفكرك بلي نيش عليك بها
تفكرك بعدوك قبل لحبيب
القر طاصة تشوفها تعلقها معاك نيشن
تخليك دايما حاضي عدوك
لا يديرها ببك تاني
والكلمة تخدم عليك ازمان
تنهش فعقلك تفكرك فالغدار
لي عطيتيه سرك ياويلك
إلى تساهلتي معاه يضربك تاني
يقرا فيك الأمان ودير لعصى فالرويضة
كل هاد الشي لي انت فيه ماقرتي ليه حساب
يسحابلك صاحبك لي خويتي عليه القربة (الكربة)
الكلمة يا طلعك يا تخبطك انت وصاحبك
لي صون العشرة ولد لحلال مصفي
ؤولد لحرام يصدفها يصدفها
طال ازمان و لا قصار دعي
لصاحبك غير بطول لعمار
حبيبة أخريف من المغرب ( حتى لاين )
ليست هناك تعليقات:
إرسال تعليق