...... أوضاع مقلوبة ......
*******************
حظي قليل انا من يومي
قوي في الدنيا يا خال ؟
صابر لكن غصباً عني
علي أيام مش عال ؟
شوفت وفيها النملة افترست
وطلع ليها سنان ؟
وابن البغل ربط لأسوده
والخوف فارقه وزال ؟
وكل حمير النجع بترفض
هنا لركوبها أومال ؟
وبترفس لاصحاب وتعنطز
ونهيقها مايتقال ؟
وشوفت قليل الأصل بماله
أشترى للأصل وقال ؟
آه والله ورب الكعبة
ودين الهادي ده قاااااال ؟
واهو بيصول ويجول مين قده
وعارف أنه شمال ؟
والأوضاع صبحت مقلوبة
راس على عقب - ونال -
نال للأصل وناسه السكته
وماتوا بدون أنذار ؟
ماتوا وهما العايشين بينا
بفقر وليهم آل ؟
خرسوا ماصوت هنا ليهم طالع
رغم أنهم العال
رغم انهم الشمس بدنيا
وغيرهم لليل وطال ..؟
بقلم .. الشاعر ياسر فؤاد الجدي
الخميس .. ٥/١٢/٢٠٢٤
ليست هناك تعليقات:
إرسال تعليق