أرض الحقيقه (719)
.................
خايفه لليوم ده ييجي
وأعيشه بدون سند
بيحكوا علقم مراره
والظهر ما يتفرد
تدبل ضحكه خدودي
والدمعه بتتولد
وآه من ليل هييجي
شايله وحدي الوجع
حاضنه بختي ونصيبي
والعمر يا دوب عدد
مسجونه فى صمت خوفي
ولا ذكرى ولا ولد
جفت أرض الحقيقه
والكدب له ميه مدد
حنيت شعري وكفوفي
وداريت ألم المرض
وحيطان الدار آويتني
أوقات بتكون سند
هتحامى في مين وأصرخ
ما الصوت فاتني وشرد
والليل ما أنا عارفه أخره
ده غريب مش من البلد
فايت داري وناسيني
ولغيري بيتوجد
وإن كنت تعيش لبكره
لا شافوك ولا مستند
هتموت وحيد في دارك
ويا دوب شطب لعدد
خايفه لليوم ده ييجي
وأعيشه بدون سند
بقلم .. صبري رسلان
ليست هناك تعليقات:
إرسال تعليق