أنا مابخافش
ومابتهددش
وان خُفت مابقولش
وان قلت مابخافش
حكايات كتير
وحواديت توش
حكاية عن عصافير وعش
وصقر جامح
بجناحه طايح
وماحد عارف يقوله هش
وحكاية تانية
عن دنيا فانية
وناس غلابة
تتعب كتير
وتموت في ثانية
تفطر أساها
وتتعشى مش
وحكاية تالتة
والتالتة تابتة
عن الديابة
وأسد في غابة
وغزالة شاردة
نهشوها نهش
وحكاية رابعة
أستاذ فى جامعة
خطب فى جُمعة
فشلوه مرابعة
أتاريه ماكانش....
وفنانة شاملة
والرقص صنعة
إدوها جايزة
ونسيوا اللى كانت
للرب راكعة
ومااشتكتش
وحكاية خامسة
وحكاية سادسة
حكايات كتير
لحياتنا ماسة
فرح ومآسى
وناس تواسى
وبكرة نكمل
اللى ماكملش
سلوى محمود
ليست هناك تعليقات:
إرسال تعليق