........... ممنون جدا ..........
**********************
ممنون ممنون ممنون جداً
من قلبي بقولكو متشكر
وكفايه عليا اني شايفكم
هنا مجتمعين( ٢٠) واكتر
علشاني انا الجاحد ليكم
والكاره ليكم ولحفتر ؟
من بعد كلام وخطب ليكم
علشان ترضيني بتستنكر
وكمان بتدين أعمال ليهم
وبتوصف همجية يامستر ؟
مين قال قصرتوا خالص أبدا
ده اللي هييجي عليكم يخسر ..
ايه يعني يموت ألوفات منا
ويدمرو بيتنا وبيت زعتر
أيه يعني الجوع لينا يصاحب
لا نلاقي نتغدى ولا نفطر
والقهر مع الذل يرافق
للشعب الرافض هنا يسكر .. ؟
والله عملتوا اللي عليكم
بالشجب ومثبوت ده بمحضر ؟
فوضنا الأمر لمولانا
وأدينا منتظرين للسكر ؟
وبندعي المولى لمعاليكم
أن يقر عيونكو مش أكتر ؟؟
بقلم .. ياسر فؤاد الجدي
الأثنين .. ٤/٩/٢٠٢٣
ليست هناك تعليقات:
إرسال تعليق