إسكندرية يا شط مايل
ع البحر يرسى ويتحايل
ويقول فى سره ويتمايل
كل اللى بعدوا ماعاشوش
ياعروسة صاحية متزوقة
وبملح بحرك مرزقة
لعريسها ليسة مستنظرة
وناسها صاحية ماناموش
يا بنت حلوة بملاية لف
والناس وراها تدور وتلف
والعاشق من نظرة يخف
أيوه على اللى ما شافوش
يا قلوب قوية وطيبة
وعيون جريئة قريبة
وحب يغنى بطول البحر
من ميامى للأنفوشى
رسمتك بقلمي ورتوشى
وشايفك بتغمزى برموشى
لحبك اللى ف قلبى سنين
وعيونك اللى مانسيوشى
ومهما اغيب ومهما ابعد
يجيبنى شوقى ويتودد
و قلبى يدق على بابك
واشوف غيرك ما حبوشى
سلوى محمود
ليست هناك تعليقات:
إرسال تعليق