( الشك والغيرة )
مابين الشك والغيرة خط
مش مستقيم لكنه مط
حط كل الشكوك ف كلمة
كلمة كانت منك مكالمة
سمعتها
منك في : عزف نغمة
نغمة
شاذة بموسيقى سخط
كنت فعلا بغير عليك
خلتني ديما أشك فيك
مش هنسى إنك بديت
جبت شك ف عنيا حليت
داب القلب فيك وإنتهيت
لما عريت القلب ملط
مابين الشك والغيرة خط
خدت إيه أنا م الكسوف؟
بس معايا والباقي شوف
دلعك مع الناس كفاية
كتب نهاية قصة هوايا
كتبت إنت نهاية البداية
والغباوة حبكت الشك زبط
مابين الشك والغيرة خط
كنت زمان غيرة حلوة
كانت بقلبى أحلى غنوة
قلبت ظن والظن صابني
خلتني أشك باللي حاببني
هد جوايا موج بيبني
لما شافك بحرين لشط
مابين الشك والغيرة خط
مش مستقيم لكنه مط
كلمات
حربى على
شاعرالسويس
ليست هناك تعليقات:
إرسال تعليق