بتحلم !؟ بتحلم إن يوم أرجع ... لحضنك تانى لجل ماعيش... ما عادش الحلم دا ينفع ... خلاص فارق وماتلومنيش... بترسمنى بفرشاتك جناح مكسور ... وتسجنى فى قلب جدار... وتمنع عنى حتى النور ... وأنا من خوفى ياخوفى... أنا من خوفى مش قادره ... فى لحظة غل إن أثور ... على وضعى إللى صار مقلوب... وبدل حلمى وسنينى ... لعتمه تشق ضى التوب ... فتفضح كل شئ عندك ... وتتمادى قوى ف عندك ... فيظهر كل شئ معيوب ... أنا مش حمل أحزانى... ولا هقبل فى يوم إنى... يضع حقى... وأقول قدرى... دا والمكتوب... بتحلم . كلماتى. سفير السعادة. الشاعر أحمد سالم. من ديوان إعترافات ميت. جمهورية مصر العربية .
ليست هناك تعليقات:
إرسال تعليق