يافاكر الحب كام بوست
ومزيكا وأغانى ونت
مكالمات وكام شات
وكل يومين تغير بنت
وف بحرك تغرق مية
وتتفرج بعيد ع الشط
وتسقى الكل حنية
وتغدر ف لحظة زى القط
وواخد كورس ملاغية
وأستاذ ف الكلام والرط
وواخد م الجمال غية
ووصفوك ف الهوى بالخُط
واللى تقع مالهاش دية
مادام مشيت معاك ع الخط
وقلبك كبير وسع الكون
عمال تعبى فيه وتحط
اقولك بكرة ازاى هيكون
تشتكي من الصداع والكبت
واجيبلك سيرة المأذون
تتلوى وتهرب وتكُت
وده درس عن لؤم الرجال
ومكرهم وميل البخت
سلوى محمود
ليست هناك تعليقات:
إرسال تعليق