د/عبدالمنعم الفقي
......
حضرة بتاع الخضار(تراجيديا الشقيانين)
.....
لا الكوسة مستوردة
ع القفة رسم دولار
ولا بامية جت م اليمن
ولا من فرنسا خيار
ولاتوم جديد أوبصل
مدفوع لهم جمرك
علشان كده بأسألك
ليه ترفع الأسعار
......
أسمع نداك أنبسط
وأقول بلدنا عمار
أسأل بكام أتفرس
وألقاك بقيت جزار
خلاص بقيت زيهم
سريح في دنيا الجشع
سراق ولا المنشار
دا يرضي مين أدفع
علاوتي ومرتبي
في ستة كيلو خضار
حاسب وصدقني
عذابي لو مكسبك
لامؤاخذة تبقي حمار
....د/عبدالمنعم الفقي...
ليست هناك تعليقات:
إرسال تعليق