.........(فواتير).........
الدنيابقت كلهافواتير
من وأنت في بطن الأم أسير
والأم تروح لطبيبها كتير
تدفع فواتير من غير تفكير
ورشته بكام تشتكي بزكام
تسهر ماتنام والقلب عليل
وبتيجي مولود .وعيونك سود
على إيد دكتور والوزن قليل
محتاج حضانة أصل انت أمانه
وأمك تعبانه في دفع الفواتير
وتروح البيت وتقول عديت
تكبر وبقيت محتاج فواتير
وخطوبة تكون ودهب مدهون
ميت ألف ولون كله بفواتير
وجواز ياجواز عفش وبتوجاز
وسرير هزاز للنونوا عشان
يرتاح ويكون فواتير بجنون
كهربا تليفون أقساط وديون
وإكتب وصولات فواتير بحاجات
ربك في العون ولاشئ مضمون
الشقة إيجار غرفة وصالون
ومقدم نار على سنه وتهون
وملكش خيار ولاحتى ظنون
والشهر يفوت وبسرعة تكون
محتاج للقوت ولمد العون
والعمر يفوت تايه في الكون
على شغلك طير من غيرتفكير
وبدال الشغله ياريت إتنين
والصحة تروح ومالكش بديل
وتعيش مجروحو من هد الحيل
أنفاس في الروح محتاجة تدابير
أدوية بالنوح وفلوسها تطير
تطلب وتبوح محتاج لنصير
وديون في صروح وصحابها تغيير
من كتر البوح جسمك مسامير
بديون مفضوح جلطاتها تصير
والموت مفتوح في دنيا الفواتير
........(شعر).......
ليست هناك تعليقات:
إرسال تعليق