بقايا إنسان (829)
...............
متعودين ع الجرح وكسره قلبنا
وروح بتدبل كل يوم
على غصننا
وآه دمعه جفيت
عن عيون مات ضيها
وليل بيغزل من الوجع
ثوب حظها
العدل تاه والصبر طال
على حلمها
حيران يدور ع الأمان
والليل وآخره
ورا ضحكه وناسيها المكان
وهاجرها فرحه
خايف يعود لماضيه اللي راح
وأشواك له ذكرى
ولساه ده عايش جوا ليل بيحلم ببكره
وعنوانه كان فاكره ونساه
وده زايه يكره
جدران كلام
ورا صمت غاب
وبيبان ما تفتح
جلاد وقاضي وسوط عذاب
والآه ما يسمع
ومهما تشكي الصوت
ما راح
وده طيبته تجرح
حيطه تداريه وما لوش
وليه ولا حتى يطمح
مطرود صحيح بأمر الذي
جبروته يسمح
بشريط حداد مفقود ما عاد
ولا بصمه تلمح
ويا ريت تداري دمعتك
للنخوه تسرح
والليله ليلتك من سكات
صوت صوره مسرح
وبقايا حتى كأنها لا مكان ومطرح
بقلم .. صبري رسلان
ليست هناك تعليقات:
إرسال تعليق