قطتي أسمها ياسمين
قطتي ممنوعة من السفر
قطة متسلطة غاوية سهر
قطة مقطقطة نسل الغجر
كيوت شربها تعمل مطر
لون شعرها غيوم القمر
لها نظرة شاعر حب وانتحر
غاوية لعب وتنطيط
على الكرسي وعالحيط
تمسك بكرة خيط
تعمل شخابيط
وعند الخطر
تاخد حذر
تدخل القلب بحنان
فنانة قلب مكان
رأساً على عقب
بلا تنبيه بلا سبب
عيبها قصر النظر
لو تجوع تزعق وتيجي تتمحك
مياوو مياوو مياوو
فاتحة بقها وكل طلبها
لحمة كتير وسمك
عاوزاني جنبها
امسح جسمها
أحس بقلبها
وقت السمر
وهي بتنده وتقول
مياوو مياوو مياوو
وقت الأكل أستاذة ندالة
مش عوزاني جنبها
وكأني هشاركها أكلها
قطة واطية
قطة خاطية
لكن رغم عني بحبها
بعد الأكل فيه تنبله
دا غير تصميم مزبلة
اقعد وانضف تلاقيها جاية مقبلة
تمسح راسها في هدومي
لعبها كأني بغسل همومي
وحدها بتسلي يومي
قطتي بلا صوت
بخاف عليها من الخطر
موت
ممنوع طلوعها الشارع
فالزحمة والسكوت
علشانها افضل اصارع
وأخبي منها البسكوت
قطتي غاوية سهر
زي الغجر تخاف المطر
لونها غيوم القمر
قطتي ممنوعة من السفر
بقلم مولانا العارف بالله الضاحك الباكى بلال هشهش بيلا مصر
ليست هناك تعليقات:
إرسال تعليق