** ليه اختصرت **
*****
إختصرت اللى فات
فى حبه ساعات
يعنى الليالى والشهور
والسنين
واللى فيهم من الآلام
مكتوبين
والايدين اللى كانت
قايدالك شموع
والعيون اللى غطى
جفنها ندم الدموع
كل دول فى الذكريات
لو موجودين
يبقى هقولك بنفسى
* شكراً *
أنا كنت فين
وإنت بتكتب قصه
حياتك
أنا كنت فين
وليه رافضنى فى
ذكرياتك
أنا كنت فين
ولا إنتهيت بالنسبه
ليك
أنا كنت فين
ولا خلاص مش شايفانى
عيني ورغم ده هقولك
بنفس. * شكراً *
ما قصدتش كلامى ده
ليك عتاب
إحنا اتقفل بنا
كل باب
مع إحترامى لماضى
عيشته
و سط القلوب قلبى وأنا
أغراب
بس ما أنساش كل
التفاصيل
بحلوها و مرها
لكن الرجوع ليها تانى
تانى مستحيل
بس لمين أدى التحيه
على عمرى اللى أختصر
فى حبه ساعات
لأن اللى كنت أعرفه
جوايا مات
وكان نفسى أقوله حقيقى
* شكراً. *
كلمات / عادل النمرسي
ليست هناك تعليقات:
إرسال تعليق