تابوت للحياه
ــــــــــــــــــــــ
أشعار / ياسر عبد الحميد
ـــــــــــــــــــــــــــــــــــــــــ
مافيش تبرير لأفعالهم
نفوس بتغير من الواقع
لا سابو الناس علي حالهم
و ذمو كتير و دا الواقع
إرسم أحلام علي أرض براح
اتأمل فيها تبات مرتاح
و ارسم في طريق ممدود ليها
مع نفسك عد في خطاويها
تعطش تشرب من بير مفحوت
وتلاقي العمر يمر سكوت
و بتتأمل و انت المكبوت
اخرتها تابوت،،
هتلملم فيه كل جراحك
ما انتاش مستني لأفراحك
تفتح شباك علي حلم ماجاش
عالم اوباش قتلوا كفاحك
علي طريقتهم ليه ما تحوشهاش
ليه ما بتنساش
وقت الازمات لما ناديتهم
و سابوك مرمي في غرفة إنعاش
ما تسببهاش
في زمانك كنت تقول حاضر
بتحب كتير من غير تفسير
قلبك حاضر
و بترضي الناس و انت المحتاس
علي تقديرهم
في الاخر تلعن تفكيرهم
مالقيتش هناك جبر خواطر
ـــــــــــــــــــــــــــــــــــــــــــ
ليست هناك تعليقات:
إرسال تعليق