إلى المدام
بالذمة دا اسمه كلام
يوم هنا وعشرة خصام
زهقنا فول وطعمية
هو اكل اللحمة حرام
ولا الدكتور في روشتته
مانع البط والحمام
صارحيني يا مدام
امبارح كان كشري
وقبله بصارة
وقبل منه عدس هما كانوا
قاللوك بيني وبينه غرام
برضوا معترضتش
ولا صدر مني أي كلام
لكن وحياة ابوكي
مرة وانا داخل انام
لا بيا ولا عليا
جاني حلم بدون استئذان
أنك عاملالي دقية بامية
وفيها ألحام
ايشي من الموزة على حتة
من الفخد وحتة من الزند
قلت خلاص انا هطلع ترند
شمرت ونزلت هبر
وكلي عند
وصحيت على صوتك وانت
بتقولي قوم انا جهزت
طفح السم
هتقوم تاكل ولا هتنتك
نايم
لو الاكل خلص مش هعمل
عزايم
هتقوم في ليلتك ولا منتش
قايم
وياريتك تخليك نايم
مش حرام يامدام
تقوميني من احلى حلم
يا ريته كان علم
طب كنت سيبيني شوية
واعتبربني يا ستي صايم
بقلم مولانا العارف بالله الضاحك الباكى بلال هشهش بيلا مصر
10/6/2026
ليست هناك تعليقات:
إرسال تعليق