مين فينا شاف
ـــــــــــــــــــــــــــــــــ
أشعار / ياسر عبد الحميد
ـــــــــــــــــــــــــــــــــــــــ
مين فينا شاف
اللي نايمين في الشوارع
و الرصيف حانن عليهم
يا اللي رايح يا اللي راجع
الدموع تترجي فيهم
و اللي ينده طفل ضايع
حد شافه و جا يناديهم
و اللي بيته اتهد بيهم
من حيطان كات بتداريهم
و اللي داقوا من مراهم
و اللي شايفين انحدارهم
و اللي اتفاجئو بقدرهم
و الظروف مش سألة فيهم
و اللي قالوا الحق راجع
للي شايف و اللي سامع
و اللي شافوا كتير مواجع
و الضمير ما سمعش ليهم
و اللي كان الخوف حايشها
رايحة تتسول معاشها
مش مكفي القوت في عيشها
و راح زمان اللي عايشها
مش باقيلنا غير مواجع
ــــــــــــــــــــــــ مين فينا شاف
ليست هناك تعليقات:
إرسال تعليق