فجر بكره (285)
.............
وفتحت باب الذكريات
في كتاب حياتي
ووقفت خايفه
شارده ليه من حزن أتي
أنا ليه بفتش
في اللي راح
وأعيده تاني
وبأيدي أفتح في الجراح
أنا بس ماللي
ماشبعت ياما ليل بكا
وطفيت شموع
معقوله أحن للوجع
وأقول رجوع
وربيع هنايا وضحكيتي
داقت دموع
لا عرفت أرجع فرحيتي
دبليت وتاهيت
حتى أحاسيسي إختفت
فين مني راحت
والقلب جوايا وبكى
لعنادي شاهد
لا أنا قادره أكمل شوق
لذكرى وصمت جاني
صحيتني دمعه
ع الخدود من خوف كساني
كان نفسي أفضفض وأفتكر
أنا أيه جراللي
حنيت لأمس ما أتنسى
ولا شايفه بكره
وغزلت طوق جوا مني
لماضي ذكرى
ووداع يا أمس خلاص
نسيت ألمي وسهادي
وبكره جاي لي بشمس
روح بتعيد ميلادي
وحتى لما هفتكرها
تمر عادي
ما عيوني جفيت دمعها
على ثوب عنادي
وقطفت تنهيده الوجع من الليله دي
بقلم .. صبري رسلان
ليست هناك تعليقات:
إرسال تعليق