برد و دباديب (427)
...................
والنبي ما هخطي لباب أوضتك
ولا أبات مكلومه
عامل مش فاكر
وأنا صابره على طول مكتومه
سايبه لك بيتك ياقاهرني
عايشه ومحرومه
لا جبرت بخاطري بكام وردة
في هواك مصدومه
عيد حب إثنين مروا وعدوا
لا هديتني بثومه
وخداك ع السمعه فلانتينو
أبو شعر مسبسب
شهرين والثالث ما أنا شايفه
غير كرش مكبب
ورده ودبدوب جدد حبك
إثبت لي غرامك
مش حله محشي وملوخيه
ودي كل أمالك
يا وليه إتخمدي
ماهيش ناقصه بردتي الأوضه
والحب لا كان يوم ويعدي
ودي بدعه وموضه
الله يجازيه اللي بلانا
بدباديبو السودة
وستاير حمرا وسجادة
حمرتي الأوضه
من البرد بترجف وتتكتك
ولا كلمه قالتها
جات جانبي في حضني
لأدفيها ودباديبها نسيتها
بقلم .. صبري رسلان
ليست هناك تعليقات:
إرسال تعليق