ورد أبيض (351)
.............
قلبي فينه لما أشوفه
خطفه مني ومين يحوشه
شكلي دايب فى رموشه
ليلي تايه بين أيديه
كل مره أشوف عينيها
بتحاصرني سهام جيوشه
نفسي يحس بنار غرامي
آه لو حس بشوقي ليه
ده ما حن ورق مره
وش صد وبوز ما شا الله
منه خايف وأعمل أيه
يوم ما قلبي عليه ينادي
نار جهنم قايده عادي
شكله مؤذي ولا أيه
ده لا كلمه ولا نظره
لوم عيونه ومن عتابه
خط أحمر قافله ليه
مين يقوله ويحكي شوقي
ده ما حد قدر عليه
كل خطوه أرجعها تاني
لما أشوف أخرتها أيه
كده ميت كده ميت من
جماله وسحر عينه
موت بموت وألمس أيديه
حس قلبه بغرامي
حاضنه دايب في منامي
قاللي ليه أتأخرت ليه
شوفته واقف في إنتظاري
بورد أبيض بين أيديه
بقلم .. صبري رسلان
ليست هناك تعليقات:
إرسال تعليق