غرامي و عتابك....بقلم الشاعر السيد محمد

 بقلمى / السيد محمد

   ( غرامى و عتابك )

قلبى تعب من كتر عتابك ..

آه لو أعرف أيه اللى جرالك .. 

قول ياحبيبي بصراحه مالك ..

فجآه بتتغير كل أحوالك .. 

وأنا شايف المرار فى غيابك ..

ليل ونهار تلاقينى على بابك ..

أصحى وفوق بقى من أوهامك..

 وخلينى  دايما على بالك..

قلبى أصيل مش ناسى أفضالك ..

فى عز إنشغالى أنا بفضالك..

عايش على نورك أنا وفى ضلّك..

قُللى بجد أزاى أوصلك..

وعهد عليا من حضنى ماحِلك..

هرجع من تانى وأعاند فيك..

تهرب تبعد أنا أجرى عليك..

تزعل ساعه فى لحظه أراضيك..

ياللى متوهنى فى جناين أراضيك ..

وساحر قلبى بجمال عينيك ..

سمع وطاعه لجناب معاليك..

أنا متطوع والله فى غرامك ..

مهما أتعب من كتر عتابك ..

بقلم/ السيد محمد