احنا ،، مين
ـــــــــــــــــــ
اشعار / ياسر عبد الحميد
ـــــــــــــــــــــــــــــــــــــ
انتي اللي كنتي هناك زمان
و احنا اطفال ع الطريق
انتي اللي كانت ضكتك ضحكت أمان
بقلب صافي و كان برئ
عدت علينا سنين بعاد
و ذكريات فاتت هناك قدام عنينا
كنا فيها نبتسم
كبرنا فيها و الوجع كمل علينا
ايه كان جرالنا ايه اللي بينا ،،،
جوانا شرخ بيتقسم
ما عادش فينا ضحكة بريئة منورة
نسينا روحنا حتي الصورة متغيرة
كل المشاعر اللي فينا اتغيرت
و الوقت عدا بحاجات كتير متبعترة
هانلم ايه دا زمان و عدا
ومستحيل هانعيده تاني
كل اللي باقي ذكرة و شارده
موجودة في كتاب الأماني
ولا يوم هانبقا ،، صغيرين
ولا عمرنا هايشدنا نفس الحنين
احنا اتقابلنا في لحظة صادقة و افترقنا
و طال فرقنا دلوقت،، بنقول ،، احنا مين
ـــــــــــــــــــــــــــــــــــــــــ
ليست هناك تعليقات:
إرسال تعليق