أنا الأميرة (559)
...............
صدقت نفسي
إني نسيته قفلت بابه
ولا عمري هضعف مهما بان
حالي فى بعادة
ومسيري هتعود فراقه
وآه عذابه
ليه كنت فاكره ليل هواة
أيام وراحت
وطريقه تاني بحن ليه
ولا ذكرى غابت
لساك يا قلبي تقول ناسيه
ما بلاش تكابر
ولحد إمتى هعيش معاك
وهم إني قادر
ما فتحت بأيديك باب وجع
بأحاسيس ليه شاردة
مع كل دقه دموع ندم
تدبل فيه وردة
لياليه وآه من شهدها
ودفاه وأمانه
وعيون بتحضن ليل كمان
فى هواه وجماله
يا ريته حلم أصحى
فى هناه وربيع مكانه
هي الحياه تحلى إلا بيه
مخلوق عشانه
أشواك عناد وغرور بعاد
وليالي حيرة
أرجع له تاني بثوب حداد
وعيون أسيرة
طب كبريائي وفين أنا
وأنا الأميرة
ومرأيتي شيفاني
فى جمالي أنا الفريدة
هكتب له لأ وأقولها لأ
ووداع يا حيرة
بقلم .. صبري رسلان
ليست هناك تعليقات:
إرسال تعليق