حجاب محبة (508)
................
شوفته مره أنا قلبي داب
بص نظرة بلوم عتاب
قولت أشاغله يرق حاله
قام صادمني وسك باب
ده لا عبر حتى حالي
ولا فكر قاللي مالي
كل مرة في تقله زايد
مش شايفني ولا قاصد
أتقهر وأعيش عذاب
قالوا روحي
وإسحري له على بابه وإدفني له بالقبول شبكه وحجاب
عدا يوم والتاني شافني
قال دي قردة
وطب غاب
إتصدم الله يعينه
كان صغير شعره شاب
العمل مفعولة فاسد
ولا لخبط فى الحجاب
إمسحي وشك بسرعة
شكله فاق من ذنب تاب
الجمال أصله البساطه
لا بجالون بويه وهباب
لك نصيب هيدق بابك
والقدر مفيهوش حجاب
بقلم .. صبري رسلان
ليست هناك تعليقات:
إرسال تعليق