لعبة ،، حياه
ــــــــــــــــــــــــ-
أشعار / ياسر عبد الحميد
ــــــــــــــــــــــــــــــــــــــــــ
الحياه بكرتها ماشية في القماش
و السنين سنون بتنقُش مجروحين
و الزمن مكتوب علي اللي ف دنيا عاش
مره يضحك و سنين كتير بيبات حزين
إسأل الحاضر اللي بات يضحك علينا وإسأل الأيام
اللي اللي شاهده دموع عنينا
و اسأل الذكرى اللي عدت ع الحبايب
في اللي غايب
و اللي راح ما سألش فينا
و كنت اتمني لو صدفة
تمطر لي السما أحباب
الاقي الحب ع العاطفة
تغرقني في زمن كداب
و الاقي الألفة تجمعنا
تصافينا تدفينا ترجعنا
نقول للغربة تنسانا ،،تودعنا
و نلقا للحياه معني
لكن ما خطرش علي بالي
اشوف كل اللي قولته سراب
أيام كتير ما سابتش اي مَرد
تشبه لبعض و الكَد نفس الكَد
لعبة حياه خنقانا للحلقوم
نمشيها يوم و را يوم
نهايته نلقا السَد
ـــــــــــــــــــــــــــــــــــــــــــ
ليست هناك تعليقات:
إرسال تعليق