زجل
(الشك والغيرة)
مابين الشك والغيرة خط
مش مستقيم لكنه مط
حط كل الشكوك في كلمة
كلمة كانت منك مكالمة
سمعتها في عزف نغمة
نغمة شاذة بموسيقى سخط
كنت فعلا بغير عليك
خلتني دايم الشك فيك
مش هنسى إنك بديت
جبت شك بعنيا حليت
داب قلبي فيك وإنتهيت
لما عريت القلب ملط
مابين الشك والغيرة خط
خدت إيه أنا من الكسوف؟
بس معايا والباقي شوف
دلعك مع الناس كفاية
كتب نهاية قصة هوايا
كتبت إنت نهاية البداية
ورواية حبكت الشك ظبط
مابين الشك والغيرة خط
كنت زمان غيرة حلوة
كانت بقلبي أحلى غنوة
قلبت ظن والظن صابني
خلتني أشك باللي حاببني
هد جوايا موج بيبني
لما شافك بحرين لشط
مابين الشك والغيرة خط
مش مستقيم لكنه مط
كلمات:
حربى على
شاعرالسويس
ليست هناك تعليقات:
إرسال تعليق