حب الضياع (399)
................
آه من العيون إستكترت
إحساسه بيا
حاسديني ليه
إختارني أنا وكحل عينيه
أه لو يحسوا بلوعيتي
أوقات غيابه
ولا بقلبي اللي كتم
شوقي وعذابه
دمعه عينيه بتشتكي
لومهم سنين
والآه بقولها من وجع
قلبي الحزين
محتاره ليه وإشمعنا أنا
أفراحي تاهيت
حتى الغرام من أيد
حبيبي لونه باهيت
ليه حرمني همسه وضحكته
ووروده غابت
ليه جار عليا وليه قسى
وأحاسيسه دابت
صدق كلام قاله العزول
باعني فى ثواني
حتى الوداع إستخسره
ما هشوفه تاني
لملمت شوق كله وجع
بأشواك جراحه
وشطبت ليل كله إتنسى
من يوم ما فراقه
صعبان عليا غدره ليا بدون كلام
ولا جاه يعاتب
ليل فقدته
وقال وداع
ولساك يا قلبي بتعشقه
مع إنه باع
إسدل ستايرك ع الوجع
قبل الضياع
بقلم .. صبري رسلان
ليست هناك تعليقات:
إرسال تعليق