واقعنا
هرولنا خلف الفساق
ونسينا أسم فلسطين
وهذا نتيجة للنفاق
اللي فيه جميعنا غاطسين
نحكوا على مكارم الأخلاق
وفي الجاهلية إحنا ضائعين
يا شينك أمة فساق
وينتسبوا لأمة الأمين
حالنا بصراحة وبلا نفاق
يبكي اللي قلبه صوان
لكن ياأخوتنا من النفاق
قلوبنا أبليس عليها ران
تشتتنا في كل آفاق
قطعان تحارب قطعان
وأصبحنا شذاذ آفاق
و م اللي صاير مذهولين
وينها مكارم الأخلاق
و أهل النجدة المعروفين
كيف صاروا، وذلت الأعناق
ولعدوهم صاروا تابعين
في غزة شربنا درياق
و لا نصرنا دنيا ولا دين
دموعي تجمدت بالأحداق
من الهم اللي أنتم شايفين
وين العربي اللي مشتاق
للجنة وصحبة الأمين
كيف تحول من عملاق
لقزم يتألم يستجدي وينين
حياتنا اليوم لا تطاق
م اللي صاير في فلسطين
وفي ليبيا وسوريا والعراق
ولبنان وما يعانيه اليمنيين
و في السودان، وكسر الأعناق
وملايين النازحين
و صراع أساسه جهل ونفاق
و مصالح ووسواس شياطين
وتشظي وتبعية وفراق
بين أخوة في العرق وفي الدين
ومؤامرات وخيانة وعراك
وما بينا أندق سفين
**
الأمة تتجرع حميم وغساق
وشعبها يلعق في الزرنيخ
و الجهل مخيم بكل آفاق
وشماتة ما عرفها تاريخ
ولا جت في كتب ولا أوراق
ولا في سر إنقالت لا صريخ
وكأس يدوشن كل من فاق
ما أمره علقم زرنيخ
أعراب تائهة في كل إفاق
وكل منهم فاسق في شيخ
**
اللي جرالنا من هول النفاق
بيع سماح وقهر رجال
و نحن من خشية الإملاق
بعنا أوطاننا بحفنة مال
و أشترينا بها درياق
تبدلنا من حال لحال
و هذا هو نتاج النفاق
صيرنا أشباه للرجال
**
وين ذي قار، وبدر، واليرموك
والجند اللي وصلوا الصين
والقادسية، وعين جالوت وحطين
ووين طارق اللي حرق السفين
و وين ذات الصواري، والواقوصة
و وين خالد وقتيبة وصلاح الدين
ووين المعتصم، لما قال
جايينك يا أختي جايين
و وين النخوة والنجدة والعز
قولولي وين راحوا وين
وكيف تحولنا من القمة للقاع
وننداس بالأقدام وساكتين
و كيف نرضى بحياة الذل
ونتفرج على إخوة مساكين
وكيف نتملق في الأعداء
ونصافح بإيدينا شياطين
و نلهث خلف سراب سلام
ونستجدي اللقمة منبطحين
كلام يا عرب يجر كلام
الى متى نفضل صامتين
لو تعتقدوا حياتكم هي حياة
بصراحة أنتم ميتين
عودوا من التيه، وأستفيقوا
ممكن تتذكروا فلسطين
و زلزلوا الدنيا بالتكبير
و من قلوبكم قولوا آمين
وأزحفوا للأقصى، ولحياة
و صلوا فيه صلاة الفاتحين
الهادي خليفة الصويعي..ليبيا
ليست هناك تعليقات:
إرسال تعليق