شِبت والقلب ما شاب
...
شح النظر وما عدت إقشع
وبالكاد فيي ركز النظرات
والسمع وما عدت عم بسمع
وشغل الأذن تحمل عوينات
وإن مشيت النفس بقطع
ونتفة رشح بسكن الفرشات
وما ضل فيي للألم موضع
وأمراض قول بالعشرات
وعظم جسمي مرقرق مخلّع
والوقت بيمر بالأااخ والعنّات
ولو رحت للدكتور ما برجع
بس بعدني شب وبحب إدّلع
وبعدني مغرم بحلى الستات
😂😂😂
زهير زين الدين
لزرع البسمة فقط
19/1/2026
ليست هناك تعليقات:
إرسال تعليق