إخوات،، و لكن ,,!!!
***********
اشعار / ياسر عبد الحميد
________________
يوسف، عطاه،، ربنا
و قال له حقك بان
واخواته باركوله
و بيطلبوا،، إلاحسان
مين اللي كان صدق
في الجب لما باعوه
رؤية حكاها لأبوه
و اتولاه،، الرحمن،، ♕
كل الحق شهد لك يوسف
اخواتك هما اللي باعوك
عملوا العملة و غرقم فيها
جوا الجب رموك و سابوك
و الديب اللي ما خدش برائة
لمـا نفوسهم، يوم نكروك
جابوا قميصك خلوه شاهد
علي افعالهم يوم، غدروك،، ♕
و خير الاهل متعنا
و كان بيساعنا مهما نكون
ابويا كان بيجمعنا
و امي تقول دا، عز الكون
شبعنا بطعم ضحكتنا
و كنا حياه في لمتنا
سابونا نعيش في غربتنا
و فرقتنا،، ماليها ظنون
اتاري هابيل عمل عزوة
و منهج فيه بنتسابق
سابونا نشيل تراب بيتنا
نهد عاليه علي السابق
بنبعد ع اللي مش عازر
و صدقنا اللي كان غادر
ما بين إخوات بقا مجازر
نسينا الحكمة من يوسف،، ♕
و ابويا زمان حَنىٓ ضهره
عشان شعبطنا في دراعه
ابويا قصادنا كان يضحك
و مين بيحس اوجاعه
و ادينا في دنية الاوجاع
و مش قادر ين نكملها
و صَك الأخ بات متباع
وصلنا لفين و ايه اخرها
دا لو يوم مات
يشيله،، غريب و يبكي عليه
مع الاقات،، بنفتكره ناخد تعازيه
و نعمل ايه مادام الدم بقا ميه
ما دام احساس ما بيقربش للنيه
و كون العاطغة محنية كما العكاز
و شرخ قزاز علي عنينا مغمينا
يعدينا ف طريق تاني
و مش موصول مالوش أمرات،،
خلاصة،، القول،، بقينا اغراب
و مش عارفين نكون اخوات،،!!!
_______________
ليست هناك تعليقات:
إرسال تعليق