(عايشين بغابة )
يا أهلي ويا أصحابي
نحنا عايشين بغابة
الكبير بياكل لزغير
والعلم صاير ضبابي
والحالة فقر وتعتير
ومن الطفر فضيوا جيابي
والغني عايش أمير
وما مهتم لمصابي
ولا عندو كلمة وتعبير
ولا بيسأل عن أسبابي
وفقدنا الحب والضمير
وفقدنا كل شي إيجابي
وكتر السحر والتبصير
وبالغربة ضايع شبابي
والسياسي نازل تنظير
وهو رئيس عصابة
وبيصاحب المشاهير
وبيقلهن وين حسابي
والحرامي برتبة مدير
بيسرق حتى يصير كبير
وحتى تنتخبوا الجماهير
بيسكن بالخرابة
بقلمي إسحاق قشاقش
ليست هناك تعليقات:
إرسال تعليق