زجل
( ٱخر سنتين )
ماكسستش خمسة وعشرين سنة
هاجي على ٱخر سنتين وأكسس؟
خلوني أطلع على خير من هنا
لازم يعني :
عصفورة و كاميرات تجسس؟
حقاني ومابخافشي
وإن قالولي: إمشي بمشي
ده الرزق مايعرفشي .
لوي الدراع أو فصل جهاز التنفس
صعيدي ومتربي ع الغالي
لا خوف يمنعني ولا عيالي
أقول الحق وإن: ضاعت أموالي .
ولو قدام أتخن رئيس أو مقوقس
قربت ع الستين إرحموني
مش طالب منكم بدل رجلي تشيلوني
إعذروني وياريت تعاملوني .
زي مابتعاملوا المهندس
وعجبي
كلمات :
حربي علي
شاعرالسويس
ليست هناك تعليقات:
إرسال تعليق