ودعها بحلوها
ودعها بمرها
ودعها ولو لسة باقي
لك حاجة عندها
واستقبل من جديد
سنة جاية بالأماني
ده الحلم مش بعيد
بس إنت أتمني تاني
أتمني ليك وليا
وياريت لكل الناس
يملي قلوبنا المحبة
والحب والإخلاص
والصدق أما الضمير
فده أساسة
البيت والمسجد والدير
بينا ندعي كلنا
لروح كل شهيد
ويشفي كل مريض
ويقرب البعيد
ويسعد كل قلب
وتلاقي كل عين
أيد تمسح دمعها
ودعها ولو لسة ليك
ليك باقي عندها
كلمات. /عادل النمرسي
ليست هناك تعليقات:
إرسال تعليق