زمن تاني
_________
اشعار / ياسر عبد الحميد
_____________________
كان ليا زمن طيب مخنوق
بيطوحني من تحت لفوق
كان ليلي طويل مش لاقي شروق
و انا كنت بطاوعه و مش داري
انا كنت بداري في اسراري
و عنيا بتفتضحني، حالي
أمسك لي كتاب،،
و اهرب في سؤال
يقولولي هربت،، ازي الحال
كات ناس طيبة ماشية بأمثال
انا كنت براقب من، صغري
و اتعلم منهم اساليبهم
كنت أخد م الطيب فيهم
و ابعد ع الحاجه اللي تعيبهم
و اجمع كلمات فصحي و عمي
و الاكبر، مني بقول عمي
الكل معايا و حاضنني
و تملي بيشيلوا في همي
اتاريني بقيت في زمن تاني
اشخاص و الغربة محاوطاني
و الهم اللي انا عمري ما شيلته
حملته،، و دنيتي ناسياني
______________________
ليست هناك تعليقات:
إرسال تعليق