مجرد إحساس ....بقلم الشاعر السيد محمد

 بقلمى /السيد محمد 

  ( مجرد إحساس )

مجرد إحساس،، 

نبض قلب وهمس صوت بيناديكي.. 

وروح بتسرح ويا روحك وبتلاقيكي.. 

وفكر رايح لدنيا تانيه سرحان فيكي..

مجرد إحساس.. 

عيون بتفرح من المقابله.. 

مشاعر بتكون مع بعض متبادله.. 

أحضان للبعد غير قابله.. 

مجرد إحساس ،،

علمني معني الإنشغال.. 

عرفني أمتي أكون مشغول البال..

غيرني في لحظة وكده في الحال.. 

مجرد إحساس ،،

رعشه جوه مني بخوف..

خيال بصورتك بيطوف.. 

نظرة ممزوجه بكسوف.. 

مجرد إحساس ،،

بقلم /السيد محمد