٤ بنات وولد ( 144)
................
كان ياما كان
شجرة ربيعها فى ضلها
زارعه فى وداد يوم ما طرح
داب عمرها
أيام ودبليت من سكات
مات ضيها
فايته فى جذور وفروع عدد
أربع بنات في أيدين ولد
شال همهم يوم ما إتولد
ما أرتاح له بال
تايه يا ولداه فى اللي راح
مال غصنه مال
وخريفه لاح
حتى العيون جفت نواح
ما الجوع كاسيه
لملم في حزنه ودارى جرحه
وإبتدا أول صباح
بيبان كتير إتقفيلت وكتير
ضماير غفيلت
حتى القرايب قسميت
سكاكين حقوقهم تليمت
بشفرة بارده إتكليمت
ما لوش حقوق
راح خبى قلمه وكراسته
وساب علامه ومدرسته
وقت الشقى جه نسى راحته
ما ضله مات
ربك كريم ونعم السند
بارك في رزقه يوم ما إتولد
سبحانه من ستر العدد
غير له حال
نيجي للبنات من زيهم
عوض شقاة شاف حظهم
أعلى المناصب ضيهم
على حسه بان
في ضهره فاردين ضلهم
في صورة واحده تضمهم
شبكين أيادي بعضهم بحب و حنان
أيام تدور وسنين عجاف
مظلوم و ظالم
مين يقول
ما الكل عارف حقه فين
على عينه شاف
واكل في جوفك مال يتيم
على جمر ماله هتتشوي
لك يوم هتحسب حسبتك
من الموت تخاف
بقلم .. صبري رسلان
ليست هناك تعليقات:
إرسال تعليق