بكره تفهم
_________
أشعار/ ياسر عبد الحميد
___________________
اخدت كام في صوتك
و بتصرف حق موتك
تفضل حابس سكوتك
و النفس تقول ياريت
بتقول العيشة مُرة
ألحق في الدورة مَرة
جرب تروح له مرة
ترجع تلاقيك بكيت
انت يا عم انتخبتك
انا صوتي مداري خيبتك
في الرد لاقيت مصيبتك
انا في الصوت اشتريت
بتقول انك كبير
و لعبت علي الفقير
دي غلابة في قلب دير
و انت تلاقيك نسيت
ملايين بعترت فيها
و حصانة تلم، بيها
و حكومة الله يجازيها
ما راعتش ستر بيت
بكره لما تجيله شابب
راح يقول لك،، ليا سقف
الكلام في العرض واجب
كل مرة،، إن شالله،، الف
في الإحاطة تلقاه نايم
و الألاطة في العزايم
و اللي اخدوا فلوس بهايم
باعوا صوتهم، جوا،، صف
_______________________
ليست هناك تعليقات:
إرسال تعليق