استني يا صبي
_____________
اشعار / ياسر عبد الحميد
___________________
استني يا صبي
عرفني ايه حكايتك
و منين كانت بدايتك
بعنيا بشوف نهايتك
مقتول بين الصخور
استني يا صبي
عينك كانت بتدمع
و صراخ في القلب يوجع
و كتير بيشوف و يسمع
لكن جوا القصور
استني يا صبي
سمعت عنك و عرفت انك
كنت غاوي المستحيل
و انك كبير من صغر سنك
و انك حاربت نهار و ليل
دايما جريئ ما ناتاش ضعيف
و مش مصدق اي زيف
صار العدو جنبك كفيف
اخد الحياه حرمونا منك
استني يا صبي
بين الحروف جوا التاريخ
كتبوك مناضل او شهيد
تارك رسايل للعروبة
جوا الدمار عايش وحيد
ساند بإيدك ع الزناد
و حجارة جمعوها الولاد
عملوها ساتر او قذايف
و الكل شايف من بعيد
و انت العنيد دايما بتحلم بالوطن
مين ضحي بيك و مين اهداك الكفن،!!؟
___________________إستني يا صبي
ليست هناك تعليقات:
إرسال تعليق