نهايه غرام (202)
.............
ما كفايه ياما
قلبي إكتفا
وصبرت ياما ع الجفا
وصونت حبك بالوفا
أشكيك لمين
رايح تدور على الدفا
وأنا فين معاك
شوقي إنطفا
ياما صبرت ع الخداع
وإحساسي بيقول قلبه باع
روحك في حضني ليلها غاب
ودفاها داب
إتغيرت شمس الحنان
وهمس ضله بدون أمان
خنت اللي كان بينا وكان
ونسيت مكان
ونسيت زمان
عايش تدور ع اللي ليك
وأيديك بتشطب حقي فيك
لا رويت ورود غيرتي عليك
ولا شوك خيانتك ساب أيديك
هديت خلاص وبنيت جراح
ودفنت شوق
مولوده راح
لا دموع عينيك هترجعك
ولا تاج غرامي هينفعك
مين من الخداع راح يمنعك
جوايا باع وهم اللي كان
ودفنت ليل باقي لأمان
يوم ما إبتدينا
إنتهي بينا الغرام
بقلم .. صبري رسلان
ليست هناك تعليقات:
إرسال تعليق