(ظرف عصيب )
ما بدي ياكي مني تزعلي
ولا همومي بعد تتحملي
لإني واقع بشوية ضيق
وقلبي عليك عم يغلي غلي
ولا عارف كيف كفي الطريق
ولا قادر حل هالمشكلة
مع إني شخص كتير بريء
وغير جمالك بعيوني ما حِلي
وقلبي سقط ببيرك العميق
ومن الصعب تنحل هالمسألة
وما قادر إحكي مع إني جريء
وبكل كياني إنتِ مغلغلي
وما عارف طفي بقلبي الحريق
ومن كتر تفكيري ضغطي عِلي
وبصراحة بحكي وعن حق وحقيق
وبعرف عني عم تضلي تسألي
وبعرف إنو قلبك طيب ورقيق
وكل الليل ما بتقدري تغفلي
وكرمالك أنا عم موت عالبطيء
ويا ريت لربك تدعيي وتتوسلي
بلكي بينورلي الطريق
ومعي هالحياة تضل مكملة
بقلمي إسحاق قشاقش
ليست هناك تعليقات:
إرسال تعليق