خلع الكوارث (784)
................
مبقاش فيه حد بيشتري
دمعك يا عين
والقلب جوانا إتكسر
من هم ليل
أغراب بنغزل ثوب ألم
في حضن الحبايب
والحلم عمره ما أكتمل
ولا لينا نايب
ياما صبرنا ع الوجع وكتير نسامح
وفى كل مره بننسى غدر وطبع مالح
بيعدي بكره بنفتكر
أمس اللي جارح
عذاب وقسوة وليل دموع
ومالوش ملامح
بعد الهنا برخيص باعوا
قلبي المسامح
ووداع يا طيبتي إستهزؤا
وهدوا المطارح
بين يوم وليله خلعوا
عشرة ورد طارح
وقالوا فينا ما كانش فينا
بكذب واضح
عروا اللي باقي من الرجوله
بكوم فضايح
الله يشتت شمل ناس
نصبوا المجالس
وياما نادوا وهللوا
بخلع الوارث
غرق القليل سقط الكثير
ده بحر مالح
وعدوا كم بيت إندفن
لأجل المصالح
وغيره قابل للهدد
ما السوس فيه واضح
إبليس ما وقع ع الوارق
ما أشوفش فالح
والكل وبجرة قلم
في همومه سارح
بقلم .. صبري رسلان
ليست هناك تعليقات:
إرسال تعليق