*****((( عيد ميلادي)))*****
سَجل يا قَرن العِشرين
نحنا ولادك فلسطين
بحُضنَك ولِد ياسين
من أُمه العربية
***
الفَجر عَلينا طَل
والندى عانَق الفُل
والفرحة كانت عالكُل
في ساعة تاريخية
***
بعيد ميلادي الاشجار
غَنى عليها الكَنار
والزغرودة بقلب الدار
فيها شوق وحنية
***
الفرحة لابي وامي
ولخالي معه عمي
تهني يا أمي تهني
بنسمة حلوة شرقية
***
اختاروا إسمي ياسين
برحمة رب العالمين
ما أحلى ورد تشرين
لما تشمه الحورية
***
..ياسين...
ليست هناك تعليقات:
إرسال تعليق