ضريح،، أشواق
____________
في توب،، الملح و العشرة
دهب قشرة،، و سعره تراب
و منديل الهوي الطاير
بقا حاير،، في وسط سحاب
ما عجزنيش،، أشوف الشمس
ولا إني أغيب،، مع التايهين
في لحظة،، يأس
و أقول،، بكره،، أكيد وافد
عشان،، بكره،، وليد،، الأمس
أروح أكسر،، في حصالة سنين عمري
و مين يدري،، جايز فيها
بقية شئ،، من الاحلام
أفكر انام،، عشان احلم و اتذكر
لكن بيجيلي،، ألف شيطان
و بستغفر،، و استعين بالله
و امد ايديا ع المصحف و اتنور
بكام صورة من القرٱن
و عدية ياسين،، بعديه
و يوجعني الزمن بيا
بكل اسية كانت فيه
اشوف الدمع في عنيا
و جرحي اللي حاولت أداريه
و اقرب من ملامحي كتير
الاقي السر،، مرمي في بير
و سور حلمي،، اللي كان باقي
بناله،، ضريح،، لاشواقي
بقت صورة،، لكهل،، كسيح
شبع منه، الزمن،، و رماه
________________
اشعار / ياسر عبد الحميد
((من ديوان،، قوةبيرم))
ليست هناك تعليقات:
إرسال تعليق