(قسمة ونصيب)
من دون زعل أو خصام
إسمع مني هالكلام
مهما الزمن علينا يجور
ومني ما تكون مقهور
إسمك بقلبي محفور
وبكنلك كل الإحترام
ولو قطعنا سبع بحور
ما حنعيش بسلام
وعليي ما تكون غيور
وما تجرحني بالكلام
ولتبقى بعمرك مسرور
لازم تغرق بالغرام
وإنت البهجة وإنت النور
ومعك ما عرفت الظلام
ولو عنك غبت شهور
وما حتنسيني الأيام
حبك باقي معي دهور
وعمَّ بشوفك بالأحلام
ولعلمك ضلعي مكسور
وعَمّْ عاني من الآلام
وبالغرفة عم لف ودور
وما عَمّْ بقدر لحظة نام
وعم يراودني كتير شعور
حقي عندك مهدور
وبحبي مانك مجبور
وعحبك ما رح إنلام
بقلمي إسحاق قشاقش
ليست هناك تعليقات:
إرسال تعليق