الحب
رِمشِك الأسمر ناداني
وغمزت كده السِنّارة
هوَ الحب رماكِ عليه
واللي دِه منك شطارة
يا هوى، لا تشغل عينيّ
ده عسلك كلّه مرارة
ضعيف قلبي، وإيه بإيديه؟
ما عنديش فالحب مهارة
في قلوب يصيبها الحبّ
تعيش تعيسة، محتارة
وقلوب تتهنّى بالحبّ
وتعيش سعيدة بجدارة
في حبٍّ يصيب القلوب
تحزن، وهي فرحانة
وعنه ما نقدر نتوب
أصلِينا من غيره حزّانة
أنا صدّقت الحب كتير
وكل مرة أرجع بخسارة
العيب فينا، مش في الحب
لأننا بشر نموت في الخيانة
طائر الغروب🕊️
ليست هناك تعليقات:
إرسال تعليق