* قصيدتي ( مش حاروحله )
مش حاروحله
مش حسامحه
مش حاقوله
انك حبيبي
قلبي عارفه
كمان وشايفه
قلب قاسي
تملي ناسي
مش نصيبي
ماهوش داريبي
كنت فاكره
حبيب حياتي
قالي حبك
زمنه اتي
افتكرته
بيشتريني
عشت جنبه
امني عيني
واقول نصيبي
ياريت يجيني
يهني قلبي
يحلي عيني
عشت مخدوع
طول سنيني
وهو عارف
طول انيني
كمان بايعني
ماهوش شاريني
بكره يعرف
بعده يندم
علي جرح قلبي
ودمع عيني
خلاص حسيبه
يوم يجيله
يشوف نصيبه
حرد بابي
وصون شبابي
اداوي جرحي
واعلي فرحي
واقول دا ذكري
ما ييجي بكره
انساه يا قلبي
وحب تاني
حبيب يصونك
ما يوم يخونك
تقول نصيبي
يقول حبيبي
قلبي ملكك
نبضه سامعك
والله تاني
ما فيه عذاب
نعيش حكايه
من البدايه
حب صادق
مش خداع
روح جميله
عيون أميره
وخدانه بكره
بدون وداع
بكره لينا
وبعده مينا
تقول سفينه
راكبه موج
فارد الشراع
خلاص نسينا
أيام حزينه
وكمان ماضينا
مع قلب قاسي
قلب ناسي
قلب سابنا
كمان وباع
حبه نكره
ما يسوي فكره
ولا حتى يوم
كلمه وداع
* انتهت من فضل الله تعالى قصيدتي ( مش حاروحله ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق