* قصيدتي ( أنا حثبتلك )
من يومك وانت
حبيب أيامي
وانا حثبتلك
كل كلامي
قلبي يحبك
عاشق قلبك
شايفك دايما
أحلي غرامي
فاكر لما
رميتلك نظره
وانت لاغيتني
برضه بنظره
يومها أنا قلت
إن انت هيامي
دنيا جديده
لاقيتها أمامي
يومها جمالك
شل كلامي
برضه دلالك
كان شيء تاني
شيء خلاني
أفكر امتي
اشوفك تاني
كمان فكرت
اسيب عنواني
خوفي لا تروح
وكمان تنساني
كتبت الورقه
وفيها بياني
وسيبتها يمكن
تيجي مكاني
مر الشهر
وراه التاني
قلبي وجعني
قلت أهو باعني
عاقلي راجعني
وقالي أناني
فاكره يجيلك
كتر خيرك
قوم واتمشي
وروح واستني
هناك من تاني
روحت لاقيته
سايب بيته
وبيتمشي
ف شارع تاني
شافني لاغاني
بنظره ناداني
خدني بشوقي
لشارع بيته
رحت لاقيته
فهمت لغاه
خدني معاه
وطلعت وراه
سألت عليه
وطلبت ايديه
كتبنا كتابنا
وادينا ف دارنا
يحلي سهرنا
واقوله انا جبتك
قالي انا قابلك
برضه اثبتلك
تنكر لما
تعبني هواك
شهرين تنساني
وقلبي معاك
فاكر لما
وبرضه لما
بنظره لاغيت
ومشيت ويايا
لحد البيت
* انتهت من فضل الله تعالى قصيدتي ( أنا حثبتلك ) ونؤكد على أن جميع حقوقنا محفوظه وفقا للقانون مع أطيب تحياتي الأديب الدكتور محمد يوسف
ليست هناك تعليقات:
إرسال تعليق