قصيدة بعنوان
أنا كل يوم
أنا كل يوم بأكتشف حاجات
وكل يوم بشوف جديد
بشوف القلب الحزين
وبسمع عن القلب السعيد
بشوف القلب ال ناره
أشعلها القلب العنيد
القلب ال من حبيبه
رماه بإيديه في الجحيم.
وكأنه من صنف العبيد
ناسي الإيد ال شالت
ناسي ال كان له سيد
في ثانيه لف له ضهره
وأكتشف له كان إيه له كره
وأكتشف حقيقة أمره
وضربه بسهمه الحديد
أنا كل يوم بأكتشف حاجات
وكل يوم بشوف جديد
بشوف الزوجه ال خانت
وبشوف الزوج ال رد
وحقنها من نفس الوريد
وبشوف حاجات تخبل العقل
ال فينا وتخربط موازين
الأمور الراجل ال مابيحرشك
ساكن والمرأه ال عامله راجل
وفي جميع الأمور بتفتي
ناقصها شنب وجلبيه وعصايه.
وتعيد بكلام وتزيد
أنا كل يوم بأكتشف حاجات
وكل يوم بشوف جديد
الدنيا ال إنقلب حالها.
والهرج والمرج والتافه
ال أصبح له سلطه
مع إنه من الصنف البليد
والعالم ال معاد له سمعه
والرقصه على حجله بلدى
والهز بوسط راجل وشخلل
وهز طولك والراجل ال ماعاد
له كلمه شوبش ولا صاريفيد
حاجات بشوفها بأم عيني.
لو هاكتب كلام عنها
كتب ماتكفهاش وخلاصة
القول إن إحنا في زمن ال طبل
وصقف على إيه مايعرف
هو قاصد إيه بكلامه ولا
عن إيه بيريد
الراجل ال عبا كرشه من الأكل الحرام والنطع ال بيسمع
لمرته وعن كلمة الحق بيحيد
وكلمة بخط خيرى
وقلمه ال لساه بيدأ
في الشعر العامي أكيد
25/7/2025
???????!!!!!!!!!!!!!
(بقلم شاعر العاميه /خيرى حسنى)
ليست هناك تعليقات:
إرسال تعليق