ق:عشقت العـزلة والنسيان
ك:أحمد عبد الرحمن صالح
▓▓▓▓▓▓▓▓▓▓▓▓▓
◕
◕
◕
فى ناس الوحـــــــدة ليها عذاب
وأنا وهــــــى أعـــــــــــز أحباب
بحب العــــــــــزلة والظلمـــــــة
وقعــــــدة جميلـة ويــــــا كتاب
يسلينــــــــــــــى وبيفيـــــــدنى
ويحكيلـــــــى عـــــن اللى غاب
مــــن الماضـــــــى وصبح ذكرى
بلاقيهــــــا فى أحلـــــــى عتاب
مـــــــا بين الحلــــــــــم واللهفة
حـوار دايـــــر بشـــــــوق خلاب
▓▓▓▓▓▓▓▓▓▓▓▓▓▓▓
والف ســـؤال مـــا بيـــن راسى
وبستنـــى يجينــــى جـــــــواب
عـــن اللى عـــــدى مــــن عمرى
وأنا واقف هنــــــــــــاك متساب
فى دنيـــــا غــــــــــريبة تعبتنى
ومش لاقى لقانونهـــــــا أنا باب
مفيش حاجــــــــــــــه هتجبرنى
أكون عايش فى وســـــط عذاب
على اللى عــــــــــــــــدى واتغير
أنـــا جــــــاهـــــز بكشف حساب
▓▓▓▓▓▓▓▓▓▓▓▓▓▓▓
بحب الوحـــــــــــــــــدة والعزلة
عشـــــان بتريــــــــــح الاعصاب
هـــــــــــدوء نفســـــى بيجبرنى
أكون عـايش بــــدون ما اَتصاب
بهــــــــــــــــوس الدنيا وجنونها
وافعــالها فى نــــــــــاس أغراب
بتجـــــــــرى عليهــــــــا تخدمها
وشـــــــــــايفين الحقيقة سراب
وصعب فى يـــــــوم أكون منهم
ضمير ميت فى جســــــم خراب
▓▓▓▓▓▓▓▓▓▓▓▓▓▓▓
وعمرى ما اعيش مـــا بين جهلا
بتتباهى إنى همــــــــــــــا كلاب
بتنهش كل صـــــــــــــاحب حق
وتعـــــــــــــوى تملـــــى للكذاب
مليش فى الغـــــــــــدر والخسة
ولا عمــرى لحـــــــــــــــد أغتاب
أنا عــــــــــــــــايش على الفطرة
وعمــر الحــــــــــــق فيا ما عاب
رضيت الوحــــــــــــــدة والعزلة
على إنــــــــــى أعيش كـــــذاب
▓▓▓▓▓▓▓▓▓▓▓▓▓▓▓
ليست هناك تعليقات:
إرسال تعليق