****(( سكِرت من عُطرِك ))****
مَديت إيدي حُطها بإيدك
الطَقس بارِد مين يِدَفيني
قالولي إنه اليوم ميلادِك
يا ريت عَالسَهرة تِعِزميني
حُلوة كثير الرَب يِزيدِك
لِعيون شَهلة بنار تِكويني
عَالسَهرة جيت علِقت بِشباكك
بِشباك صيد اليوم صِدتيني
جايِب هدية معي كُرمالِك
باقة وَرد من زَهر تِشريني
زجاجة عُطُر حَطيت في عُبِك
فيها عُطُر مني فَلَسطيني
ولَما رَقَصتي معَطَرة نشِمِك
لكن أنا وَحدي جَذَبتيني
ولما غَنَيتي إسمِعِت صَوتِك
النَبِض عِندي صار تِسعيني
نِيال روحِك يا نِعِم بَختِك
العُمَر كُله لا تجافيني
حسيت إني سكِرت من عُطرِك
قُبلة على شفافي تصَحيني
..بقلمي..ياسين مصطفى بكري...
ليست هناك تعليقات:
إرسال تعليق